Yack Studio 2025 World Tour在三月上旬完滿結束。Novel Flash，Novel Fergus，SoWhat，LeShing，ChunChun618還有DaiShin代表Yack Studio接連在曼徹斯特，倫敦 ，多倫多和溫哥華舉行四場巡演。
其中在倫敦站，一個畫面尤其令人深刻。在一大群香港人中間，一個金髮白皮膚，外貌與英國人無異的年輕人夥數個香港人朋友出現在人群中間。
Luka一生人未曾到過香港，卻深深愛著香港文化。歌單裏下載了大量香港Hip Hop歌，跟朋友用廣東話聊天，推介劉德華的歌給在南非的家人，這種莫名其妙的愛令人很感興趣。Luka由南方搬到英國，在三年前認識幾位香港朋友，從此接觸香港文化。整場演唱會幾乎所有歌，Luka都有跟著唱跟著跳，望著他的一舉手一投足，感覺他對「愛上香港」這件事很自豪。「我成日都教外國朋友講廣東話。我真係好愛香港，你地嘅文化，食物，音樂，城市，都令我好著迷。我好期待終於可以到香港那一天。」
Yack Studio一眾成員聽畢Luka的分享，面上都帶著驚嘆與興奮。也許連他們自己也想像不到香港hip hop可以走進南非人的耳裏。良久後，Novel Fergus輕輕說了一句「Damn，係我地嘅音樂」Novel Flash玩笑說「亞咩洲呀，歐洲都有信心啦，哈哈」
跟Yack Studio談天，會覺得各人的色彩都很獨特，Novel Flash自信而豪邁，Sowhat沈穩又寡言，Novel Fergus穩重而有遠見，LeShing率性爽快。活像一套黑幫片的團伙。
｜如果我們選擇用分號代表現在的香港，你會想用甚麼標點符號代表現在的Yack Studio？
Novel Flash爽快地回答：冒號囉。我地做音樂就係想present一啲野出黎，想帶message比呢個世代，我好想聽緊嘅你用心去吸收我地想講嘅嘢。Sowhat靜靜說：問號。呢個時候嘅香港對我黎講係一個大問號，好多問題要解答。
Novel Fergus 心思熟慮，望著身上的 YACK Hoodie 補充道：省略號。係嘅我地有好多嘢想講，但我覺得我地除左有嘢想表達，Yack 嘅存在都有特別意義。我地唔係用傳統方式做音樂，我地不斷嘗試更新進步，所以無人知到底我地會唔會成功，都無人知未來嘅路應該點走。我地身處喺一個待續未完嘅故事。所以我想Yack係一個省略號，咪等時間賣個關子，大家一齊睇落去。
｜如果要送一首歌給海外的香港人，你會選擇哪一首歌？
Novel Flash：Every Night囉。英國每年有一半都好早天黑，真係every night every night 特別漫長。我地短短過嚟一兩個禮拜，根本唔會明白你地嘅難處，但希望你地可以努力加油，希望我嘅歌可以喺長夜陪伴你地。
Novel Fergus：一首我嚟緊會出嘅歌。入面有好多密碼，都講好多關於喺香港嘅香港人事。如果你聽得明的話，希望邊倒嘅香港人都有種聯繫。呢個年代好多大事發生，大家都要繼續生活，但我希望大家惦記住大家。
LeShing: Come Home。我地tour最後一首歌就係Come Home。我唔想觀眾聽完啲high歌開心完就算，我想佢地有感覺可以留低。你地要知道攰嘅時候依然有屋企等緊你地，記得come home。
到底甚麼是香港？Luka的香港是令人著迷又神祕的，Yack的香港是是熟悉又貼地的。分號的香港是值得紀錄的。不久的將來，Yack Studio將有更多作品面世。分號都會帶來更多專訪內容，請密切留意！
@novelfergus @novel.flash @sowhat_are @_leshing23 @yackstudiohk
撰文 // @iamkandogxd
拍攝// @iamkandogxd@_jtse_@cinemoment_
剪接 // @cinemoment_
分號 INTERLUDE HK 2025
分號 INTERLUDE HK 
發佈留言