香港 Hip Hop 廠牌 Yack Studio 昨晚（23 日）在倫敦 O2 Academy Islington 順利完成英國巡演最後一站，吸引百餘名樂迷到場支持，為《Yack Tour 2025》英國站劃下句號。Novel Fergus、Novel Flash、SoWhat 及新成員 LeShing 和 DJ CHUNCHUN618 接連演唱超過 30 首作品，全場氣氛高漲，熱血沸騰。
演出尾聲，Novel Fergus 與樂迷分享心聲，坦言雖然來英國僅數日，卻已能感受到離鄉別井的辛酸。他表示今次的巡迴演出算是揭開了 Yack 的新一章，期望之後會有更多的演出機會、有更好的場地和設備，「之後會發生咩事無人會知」。Novel Fergus 亦寄語離開了香港的人要多包容和支持「自己友」，「今日我哋可能只係一場show嘅過客，但你哋要記住呢一班過客其實喺世界嘅另一邊同大家一切搵緊一個新嘅方式去生活。」
現場觀眾幾乎清一色是香港人，氣氛高漲，台上台下一同吶喊、高舉手勢、在 mosh pit 內隨著節奏跳動碰撞。到場支持的 Marcus表示，今場觀眾十分投入，自己亦很享受演出氣氛，「尤其係唱《年輕係咪罪》嗰陣，連我隔離個叔叔都一齊跳，好有feel！」他亦表示被 Novel Fergus 的一番說話感動，「佢哋過咗嚟幾日都理解到我哋離散香港人嘅心情，我覺得係幾感觸。」
在人海中，一名外籍男生的身影格外引人注目——當 Novel Fergus 演唱《至尊寶》時，他竟隨著音樂低聲吟唱，投入其中。來自南非的 Luka，是當晚少數非香港人觀眾之一。他目前定居英國，卻深深著迷於香港文化，Hip Hop 更是他的摯愛。「當朋友介紹 Fergus 俾我時，我好開心！Rapping 同廣東話結合埋一齊，係我最鍾意嘅兩樣嘢！（When they introduced me to Novel Fergus I was so happy. Rapping and Cantonese it’s a mix of two things that I love）」Luka 指自己十分欣賞 Yack 作品的歌詞內容有深度，遠勝許多外國作品。雖然不懂廣東話，他仍會特意翻譯歌詞，細味當中的意思。
隨著倫敦站落幕，Yack Studio 即將啟程，於本月 28 日抵達加拿大，繼續巡演。
攝/ jtse、簡、Jansen
分號 INTERLUDE HK 2025
分號 INTERLUDE HK 
發佈留言